Kryeministri i Shqipërisë, Edi Rama, i ka përkrahur tri kërkesat e Bashkimit Evropian, për zgjidhjen e tensioneve në veri të Kosovës.
Tri kërkesat e BE-së janë që të shpallen zgjedhjet në komunat veriore, të mundësohet pjesëmarrja e serbëve të Kosovës në ato zgjedhke dhe fillimi i themelimit të Asociacionit të Komunave me Shumicë Serbe.
Rama e falënderoi presidentin francez Emmanuel Macron dhe kancelarin gjerman Olaf Scholz, për përpjekjet e tyre në normalizim të marrëdhënieve Kosovë – Serbi.
Konflikti në veri sipas Ramës është absurd.
“Nuk mund të falënderoj mjaftueshëm presidentin francez Emmanuel Macron dhe kancelarin gjerman Olaf Scholz për atë që po bëjnë për të finalizuar procesin e normalizimit Kosovë-Serbi! Duke i parë ata të ulur me aq respekt me të dyja palët në përpjekje për të zgjidhur një konflikt absurd tregon gjithçka për shpirtin e tyre të madh evropian. Faleminderit!”, ka thënë Rama.
I can’t thank @EmmanuelMacron and @Bundeskanzler enough for what they are doing to finalize the Kosovo-Serbia normalization process! Watching them sit so respectfully with both sides in an effort to solve an absurd conflict says it all about their great European spirit.Thank you! pic.twitter.com/4TJ0QSv5DM
— Edi Rama (@ediramaal) June 1, 2023