Kyetari i Komunës së Prishtinës, Përparim Rama ka vizituar punimet në soliterat e Ulpianës të premten e 29 korrikut.
Ai përmes një postimi në rrjetin social Facebook, ka thënë që përveç pamjes së të cilën do të kenë soliterat, izolimi i tyre do të ulë shpenzimet e banorëve.
“Përveç se soliterët do të kenë një pamje më të bukur, izolimi termik me masa efiçiente të energjisë do të mundësojë uljen e shpenzimeve për banorët gjatë vitit dhe do të ndikojë drejtpërdrejt në përmirësimin e cilësisë së ajrit në Kryeqytet”, ka shkruar Rama.
Ai më tej ka thënë se ky rinovim ka qenë mëse i nevojshëm për kullat ikonë të Ulpianës.
“Intervenimi ka qenë i domosdoshëm për kullat ikonë të Ulpianës, dhe jam shumë i lumtur që bashkë me Millennium Foundation Kosovo jemi duke e mbështetë një projekt të tillë, nëpërmjet programit #SEEK të financuar nga Millennium Challenge Corporation – MCC, nga i cili do të përfitojnë 270 familje”, ka shtuar kryetari.
Ai ka treguar që gjatë vizitës së tij në punime ka qenë nën shoqërinë e Drejtorit të MFK-së, Petrit Selimit, Zëvendësdrejtoreshës së MCC-së për Kosovë, znj. Caitlin Reichart dhe eskpertë nga MFK, të cilët i kanë përcjell punimet nga afër.