Kryetari i Prishtinës, Përparim Rama, është pyetur sot nga gazetarët për situatën në Lidhjen Demokratike të Kosovës.
Rama ka thënë se LDK-ja ka qenë gjithmonë bashkë dhe duhet të vazhdojë si e tillë, meqë s’bëhet fjalë për emra të veçantë, por për ta ruajtur demokracinë e vendit dhe për ta mbrojtur Kosovën nga autorkracia.
“LDK-ja ka qenë bashkë, duhet me qenë bashkë dhe me vazhdu bashkë, kjo është ajo që duhet të ndodhë, nuk është këtu për një person, nuk është as për mua as për dikë tjetër, është për të ardhmen e vendit tonë, është për me e mbrojtë demokracinë në këtë vend, pra me luftu autokracinë. Këto janë temat, nuk janë a është ky, a është ai”, u shpreh Rama.
“Unë veç jam pjesë e LDK-së”, ka thënë ai./EO