Dita Botërore e Autizmit, data 2 prill është caktuar nga OKB-ja për rritjen e ndërgjegjësimit të popullatës rreth këtij çrregullimi bioneurologjik të trurit.
Në Ditën Ndërkombëtare të Autizmit, kryetari i Prishtinës, Përparim Rama, ka dhënë mesazh përmes një postimi në Facebook.
Po ashtu, në pamjet e publikuara shihet marshi në kryeqytet, në nder të kësaj dite.
“Sot, e gjithë Prishtina është një gjendje e vetme shpirtërore, që përqafon spektrin e bukur të përvojës njerëzore, e që lulëzon nga neuro-diversiteti i saj!” shkruan Rama.
“Ky marsh është një katalizator për ndryshim, dhe një lëvizje e karakterizuar nga vetëdijesimi, pranimi, dhe më e rëndësishmja, veprimi!”, thotë tutje ai.
“Le të rezonojë mesazhi nëpër çdo cep të rrugës, në çdo oborr shkolle, në çdo vend pune në Prishtinë: ne jemi një qytet që i feston dhe i nderon dallimet. Jemi një qytet që e përqafon komunitetin autik,” shkruan Rama.
Sipas Ramës, në një botë që shpesh e vlerëson konformitetin, komuniteti autik na e rikujton bukurinë e të qenit ndryshe.