Kryeministri i Shqipërisë, Edi Rama në fjalimin e tij para Asamblesë Parlamentare në Këshillin e Evropës ka thënë se nuk mund të ngrihet një paralele në mes të situatës në Krime të Ukrainës dhe asaj në Kosovë.
“Sa i zellshëm është Putin për të hequr paralele mes Krimesë dhe Kosovës, provat nuk e mbështesin, nuk ka asnjë paralele mes Kosovës dhe Krimesë, por mes Ukrainës dhe Kosovës”, ka deklaruar Rama.
Ai ka thënë se nuk mund të ketë një analogji të Krimesë me Kosovën, por të Ukrainës me Kosovën.
Ndër të tjera ai ka thënë se Kosova duhet të shqiptohet nga të gjithë organizmat ndërkombëtarë me emër të sajin zyrtar si Republikë e Kosovës e jo Kosovo siç edhe prezantohet.
“Do të ishte e mrekullueshme që nga ky Këshill të fillojnë të mësojnë organet e tjera të politikës ndërkombëtare të shqiptojnë dhe të shkruajnë Kosovën me emrin e saj real dhe zyrtar Kosova, e jo Kosovo”, ka vijuar ai.
Në fjalimin e tij, ai ka përmendur edhe luftën në Kosovë, ku ka thënë se ndërhyrja e parë e NATO-s në një tokë evropiane, njohu luftën e UÇK-së që solli si rezultat pavarësinë e vendit pak vite më pas.
“Drejtësia u vu në pah, dinjiteti u rivendos mund të niste pajtimi ose të paktën kështu dukej. Lufta është punë e shëmtuar”, ka vijuar ai.
Ndërkaq për inicativën e Ballkanit të Hapur, ai ka thënë se është një ravijëzim i procesit të Berlinit dhe se është një ide për të forcuar synimet drejt integrimit evropian.
Lajmi në përditësim..