Kryeministri i Shqipërisë, Edi Rama, në nder të 555-vjetorit të vdekjes së Heroit Kombëtar, Gjergj Kastrioti Skënderbeu, ka bërë të ditur se të martën është kënduar himni nëpër të gjitha shkollat e Shqipërisë.
Po ashtu, Rama ka bërë të ditur se është marrë një vendim që në fillim të çdo jave mësimore të këndohet himni nëpër shkolla.
“Dhe me Himnin e Flamurit që këndohet nga të gjithë nxënësit e shkollave sot, në ditën e 555-Vjetorit si edhe me vendimin që kështu do të këndohet himni në çdo shkollë, në krye të çdo jave të re mësimore, ju uroj një ditë të mbarë”, ka shkruar Rama në Facebook.