Kryeministri i Shqipërisë, Edi Rama, ka propozuar për ish-zëvendësdrejtoreshen e AKI-së, Vlora Hysenin, për drejtoreshë të Shërbimit Informativ të Shtetit.
Rama beson se përgatitja e spikatur, eksperienca e krijuar dhe respekti që Hyseni gëzon në komunitetin ndërkombëtar të inteligjencës, përbëjnë një garanci për reformimin e mëtejshëm të shërbimit inteligjent shqiptar.
“Sot i paraqita presidentit të Republikës propozimin për emërimin e Znj.VLORA HYSENI drejtore e Shërbimit Informativ të Shtetit, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, ka shkruar Rama në Facebook.
Hyseni nga pozita e zëvendësdrejtoreshës së AKI-së është shkarkuar në qershor të vitit 2021 nga kryeministri Albin Kurti dhe presidentja Vjosa Osmani.