Rama: Të ardhurat nga aktiviteti i basteve online do të shkojnë për fushën e sportit, kulturës dhe teknologjisë

Kryeministri i Shqipërisë, Edi Rama

Kryeministri i Shqipërisë, Edi Rama, në ceremoninë e nderimit të shtatë sportistëve të talentuar shqiptarë ka thënë se së shpejti do të kalohet për miratim ligji për aktivitetet e basteve online, për të cilin ka thënë se do të jetë një hap i rëndësishëm për të formalizuar këtë aktivitet.

Gjatë fjalës së tij, Rama ka deklaruar se të gjitha të ardhurat që do të përfitohen nga aktiviteti i basteve online do t’i kalojnë sportit, teknologjisë dhe kulturës.

“Ne së shpejti do ta kalojmë për miratim në Kuvend, pasi të hyjë këto ditë në procesin e konsultimit publik dhe pastaj në miratimin e qeverisë, ligjin për aktivitetet e basteve online, që do të jetë një hap i rëndësishëm për të formalizuar një aspekt të këtij aktiviteti bastesh”, është shprehur Rama.

Rama ka theksuar se sipas këtij ligji të gjitha të ardhurat do t’i shkojnë sportit, kulturës dhe teknologjisë, si mbështetje e mëtejshme e edukimit digjital të të rinjve.

“Ndryshe nga më parë, këto do të jenë të fokuara vetëm në sport. Do të kemi një strukturë të re që do të bëjë mbikëqyrjen e kësaj industrie të re dhe do të kemi një bord kombëtar ku do të jenë pjesëmarrës nga qeveria, pjesëtarë nga sporti për të përcaktuar ndarjen e fondeve sipas projekteve dhe nevojave të federative sportive, të grupeve apo subjekteve që janë të interesuara për të zhvilluar aktivitete kulturore”.

Tutje ka thënë se për këtë Shqipëria është e para në rajon dhe do të vazhdojë duke shtuar edhe një mbështetje për periudhën stërvitore speciale.

Shija e redaktorit

Përparësitë e Kosovës si shtet i asocuar në Asamblenë Parlamentare...

Një hap afër anëtarësimit në NATO, kështu së paku po konsiderohet nga politikanët të jetë afruar Kosova, tash që e morri statusin si vend...

Osmani në takim me kryesuesit e KGJK-së dhe KPK-së: Urgjent...

Presidentja Vjosa Osmani priti në takim kryesuesin e Këshillit Gjyqësor të Kosovës dhe kryesuesin e Këshillit Prokurorial të Kosovës. Ajo ka pritur në takime...

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

Të fundit nga rubrika