Kryeministri i Shqipërisë, Edi Rama ka uruar, të gjithë besimtarët myslimanë për festën e Fitër Bajramit.

Rama, përmes një postimi në Facebook, ka përcjellur urimet e tij të shoqëruara me pamjet e xhamisë së re në fshatin Mullet në afërsi të Tiranës.

No photo description available.
Pamje nga brendësia e Xhamisë në Mullet

“Me pamjet e bukura të Xhamisë së re në Mullet, uroj të gjithë besimtarët myslimanë gëzuar festën e Fitër Bajramit”, ka thënë Rama.

Sheshi “Skënderbej”, në Tiranë është mbushur mëngjesin e së hënës nga mijëra besimtarë myslimanë, ku është organizuar ceremonia e faljes së namazit të Fitër Bajramit në Tiranë.

Ceremonia e faljes së Namazit të Fitër Bajramit në sheshin e Tiranës

Falja e namazit të Fitër Bajramit u bë në orën 06:20, ndërsa ceremonia filloi më herët.

Besimtarët myslimanë e festojnë Fitër Bajramin, pas 30 ditëve agjërim të muajit të Ramazanit.