Rama viziton Thaçin në qendrën e paraburgimit në Hagë

Kryeministri i Shqipërisë Edi Rama të martën e ka vizituar ish-presidentin e Kosovës Hashim Thaçi në qendrën e paraburgimit në Hagë

Kryeministri i Shqipërisë Edi Rama, ka shkuar për vizitë tek ish-presidenti i Kosovës Hashim Thaçi, i cili po mbahet në qendrën e paraburgimit të Hagës nën akuzat për krime të luftës.

Rama e ka postuar një video në rrjetin social Facebook, derisa shihet duke hyrë në hapësirat e objektit ku edhe pritet të takohet me Thaçin.

Në videon e postuar nuk u dhanë më shumë detaje.

Para vizitës së kryeministrit Rama, të njëjtën ditë, u mbajt një seancë ku  ish-presidenti i Kosovës, Hashim Thaçi, është deklaruar i pafajshëm për akuzat e reja të prokurorisë speciale.

Ndonëse Thaçi ka pohuar se e ka pranuar aktakuzën e konfirmuar të ndryshuar të datës 29 prill 2022, ai ka deklaruar se aktakuzën e re nuk e ka kuptuar për shkak të redaktimeve të shumta.

“Nuk i kam kuptuar për arsye se nuk kam pasur mundësi t’i lexoj ato, sepse janë shumë të redaktuara”, ka thënë Thaçi kur është pyetur se a i ka kuptuar se çfarë duan të thonë akuzat e reja në aktakuzën e konfirmuar.

“Deklarohem i pafajshëm”, ka thënë Thaçi.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika