Deputeti i zgjedhur i Aleancës, Burim Ramadani, ka njoftuar për zgjedhjen e Kryesisë së re të partisë dhe funksionalizimin e organeve të saj të brendshme.
Përmes një postimi, Ramadani ka bërë të ditur se Këshilli i Përgjithshëm i Aleancës ka zgjedhur përbërjen e re të Kryesisë, ndërsa janë themeluar edhe strukturat e tjera partiake, përfshirë Këshillin e Kryetarëve të Degëve, Këshillin e Nderit, Kolegjiumin e Ekspertëve të Aleancës, Kolegjiumin e Anëtarëve të Kuvendeve Komunale dhe Kolegjiumin e Drejtorëve të Aleancës.
Ai ka vlerësuar se Kryesia e re përfaqëson një ndërthurje mes përvojës dhe energjisë së re, me synim udhëheqjen me përgjegjësi të proceseve politike dhe organizative të Aleancës.
Sipas Ramadanit, funksionalizimi i këtyre organeve paraqet një hap të rëndësishëm në organizimin dhe forcimin e mëtejmë të strukturave të partisë.