Ndonëse tani mund të jenë shokë skuadre, Sergio Ramos dikur doli kundër Lionel Messit në raste të panumërta. Por, edhe pse Ramos ka luajtur së bashku me Messin për vetëm 18 muaj, i ka mjaftuar ta lavdërojë 35-vjeçarin për aftësitë e tij.
“Kam vuajtur me Messin për shumë vjet, dhe tani e shijoj atë. Ai është lojtari më i mirë që ka prodhuar ndonjëherë futbolli”, është shprehur ai për PSG TV.
Tashmë është e ditur se pas ardhjes së Ramos në Paris Saint-Germain, gjithçka ka ndryshuar, sepse ai u bë bashkëlojtari i ri i Messit.
Kjo mund të zemërojë yllin portugez, Cristiano Ronaldo, i cili për vite me radhë ishte shok skuadre me Ramos në Real Madrid.
Ramos dhe Messi udhëhoqën Barcelonën dhe Real Madridin përkatësisht në La Liga dhe ishin përballë njëri-tjetrit në shumë përballje në El Clasico.
Në vitin 2010, kur Barcelona mposhti Madridin 5-0, Ramos mori një karton të kuq në minutat e fundit të lojës për një faull të keqe ndaj Messit.
Mbrojtësi spanjoll u përjashtua gjithashtu nga fusha në vitin 2017 për një goditje me dy këmbë te legjenda e Barçës. E shumë raste të tjera që kanë ndodhur brenda fushës së lojës.