Sulmuesi brazilian i Barcelonës po i kalon fazat përfundimtare të rikuperimit dhe pritet të rikthehet pas pauzës së ndeshjeve ndërkombëtare.
Sipas Mundo Deportivo, ai ka bërë përparime pozitive dhe stafi i Barcelonës shpreson që të jetë i gatshëm për ndeshjen e ardhshme ndaj Athletic.
Raphinha u lëndua te muskujt e këmbës që nga gushti, dhe prej atëherë nuk është rikuperuar plotësisht.
Ai ka qenë pjesë e listës së gjatë të mungesave të Barcelonës, së bashku me lojtarë të tjerë si Dani Olmo, Robert Lewandowski, Gavi, dhe portierët Joan Garcia e Marc-André ter Stegen.
Në fakt, skuadra katalanase ka pasur të paktën 10 lojtarë jashtë fushës që nga gushti, duke e lënë Barcelonën me shumë probleme.