Një i moshuar ka humbur jetën këtë të diel në qytetin e Klinës.

Lajmin e ka konfirmuar për Dukagjinin zëdhënësi i policisë për rajonin e Pejës, Fadil Gashi.

Sipas Gashit, policia fillimisht ishte informuar për një zjarr, por kur kanë arritur në vendin e ngjarjes, kanë hasur një person të shtrirë në tokë me lëndime të dukshme.

“Viktima fillimisht është dërguar në Qendrën e Mjekësisë Familjare, e më pas është transferuar në emergjencë. Aty, mjeku kujdestar ka konstatuar vdekjen e tij. Ende nuk dihen shkaqet”, ka theksuar Gashi për Dukagjinin.

Ai shtoi se njësitet përkatëse të hetuesisë kanë dalë në vendin e ngjarjes dhe janë duke punuar për të zbardhur rrethanat e plota të këtij rasti.