Autoritetet në Kuvajt kanë dhënë detaje të reja mbi pasojat e sulmeve iraniane ndaj objektivave në Gjirin Persik, të cilat pasuan një valë sulmesh amerikane kundër Iranit.
Ministria e Energjisë Elektrike e Kuvajtit njoftoi se disa linja të energjisë janë dëmtuar nga copëzat e predhave gjatë sulmeve iraniane, shkruan Reuters, transmeton Dukagjini.
Sipas ministrisë, dëmet nuk kanë ndikuar në vazhdimësinë e furnizimit me energji elektrike. Ekipet emergjente kanë nisur vlerësimin e dëmeve dhe punimet për riparimin e tyre, në koordinim me autoritetet e sigurisë.
Ndërkohë, ministria bëri të ditur se energjia elektrike është rikthyer në të gjitha zonat e banuara që kishin mbetur pa furnizim si pasojë e daljes jashtë funksionit të disa linjave ajrore.