Avokati, Tomë Gashi, i është drejtuar me një letër Prokurorisë Speciale të Kosovës, nga e cila ka kërkuar që të jetë prezent kur të intervistohet ministrja e Drejtësisë, Albulena Haxhiu, në lidhje me rastin e vdekjes së Astrit Deharit.
Gashi, përmes një postimi në Facebook, ka thënë se prokurori i rastit ka kryer shumë veprime pa prezencën e tij, duke bërë rikonstuimin e vendit të vdekjes së Deharit, si dhe marrjen në pyetje të deputetit Haki Abazi.
“Prokuroria në lufte me të vërteten ! Tani kërkon të marrë në pyetje Ministren e Drejtësisë znj. Albulena Haxhiu e cila qe 7 vite kërkon vetëm drejtesi për vrasjen e Astrit Deharit.
Prokuroria ka kryer shume veprime pa prezencen time, ka bërë rikonstuimin e vendit të vrasjes së Astrit Deharit në burgun e Prizrenit, ka marrë në pyetje deputetin Haki Abazi. Tani te shofim Prokuroria si do ti pergjigjet kësaj kerkese..”, ka shkruar Gashi.
