Ndonëse tash e një kohë mbetet një ndër çështjet më të diskutuara në Kosovë, përpjekja për të mbyllur Klan Kosovën ka marrë vëmendjen e organizatave të ndryshme të lirisë së medias në botë dhe atë të mediave botërore.
Asociacioni i Gazetarëve të Kosovës (AGK) ka shpërndarë disa reagime të tyre., atë të “European Centre for Press and Media Freedom”, “Reporterëve pa kufinj” dhe jo vetëm.
“Jemi të tmerruar të mësojmë se Ministria e Tregtisë në #Kosovë ka përfunduar sot të gjithë hapat e nevojshëm për mbylljen e medias më të madhe private në vend”, kanë shkruar nga ECPMF.
🇽🇰 We are appalled to learn that the Ministry of Trade in #Kosovo has today completed all the necessary steps to shut down the biggest private media outlet in the country @klankosova_tv.https://t.co/JWyNDYm7Uj
— European Centre for Press and Media Freedom (@ECPMF) July 28, 2023
Një tjetë reagim ishte edhe ai i sekretarit të përgjithshëm të Federatës Evropiane të Gazetarëve
“Ditët e zeza të censurës shtetërore janë mbi Kosovën. Qeveria më në fund ia doli të mbyllë Klan Kosovën. Qeveria e Albin Kurtit po zhyt vendin në liberalizmin më konservator, me përbuzjen më të madhe për vlerat e BE-së.’, ka deklaruar ai.
The dark days of state censorship are upon #Kosovo. The government finally succeeded in having @klankosova_tv closed down. @albinkurti‘s gov is plunging the country into the most conservative illiberalism, with the utmost contempt for EU values. https://t.co/uBOTgtwmwQ
— Ricardo Gutiérrez (@Molenews1) July 28, 2023
Nga ana tjetër, një reagim nuk ka munguar as nga “Reporterët pa kufinj”. Këta të fundit vlerësojnë se vendimi mbi Klan Kosovën duhet hedhur poshtë.
“Kosova : pluralizmi i informacionit kërcënohet rëndë me refuzimin e ankesës nga mediat më të mëdha private të vendit @klankosova_tv. Duke ruajtur pezullimin e certifikatës së biznesit, Qeveria e Albin Kurtit po e shtyn atë drejt mbylljes. Ky vendim duhet të rrëzohet”, kanë shkruar nga RSF, në Twitter.
#Kosovo: pluralism of information severely threatened with rejection of complaint by country’s largest private media @klankosova_tv! By maintaining the suspension of its business certificate, @albinkurti‘s government is pushing it towards closure. This decision must be overturned https://t.co/P4tXoA9ESO pic.twitter.com/fsSsBi4x58
— RSF (@RSF_inter) July 28, 2023
Është “Reuters” medium amerikan, i cili shkruan se vendimi i Qeverisë së Republikës së Kosovës për të pezulluar licensën e mediumit të lartcekur, alarmoi gazetarët në Kosovë.
“Qeveria e Kosovës pezulloi të premten licensën e transmetuesit më të madh televiziv privat në vend për një gabim në regjistrim, duke alarmuar gazetarët që akuzuan partinë në pushtet për një luftë të hapur kundër medias së lirë”, shkruan Reuters.
Gjatë së premtes, ishte Ministria e Industrisë, Ndërmarrësisë dhe Tregtisë (MINT) e cila njoftoi se Komisioni për Shqyrtimin e Ankesave për Regjistrimin e Bizneseve vendosi se Agjencia e Regjistrimit të Bizneseve të Kosovës (ARBK) ka marrë vendimin e saj në përputhje me ligjin në momentin kur pezulloi certifikatën e biznesit për Klan Kosovën.
Tashmë, Klan Kosova mund të ankohet në Gjykatë.
Një lajm i tillë nxiti një varg reagimesh.
Ministrja e Industrisë, Ndërmarrësisë dhe Tregtisë, Rozeta Hajdari, ka reaguar në lidhje me vendimin e ministrisë që udhëheq për pezullim të certifikatës së biznesit të Klan Kosovës.
Sipas saj, fakti që një biznes, ndër të tjera, merret edhe me media, nuk mund të amnistohet prej llogaridhënies për shkeljet ligjore.
Nga ana tjetër, presidentja e Republikës së Kosovës, Vjosa Osmani-Sadriu, ka deklaruar se çdo dilemë ligjore rreth rastit të licensës së mediumit të lartcekur duhet të sqarohet deri në fund nga instancat përkatëse të sistemit të drejtësisë. Ajo ka theksuar se liria e mediave mbetet një e drejtë themelore që mbështet funksionimin e një shoqërie demokratike.
Si “shumë shqetësuese” është vlerësuar vendimi i MINT-it për Klan Kosovën nga ambasadori i Gjermanisë në Kosovë, Jorn Rohde.
Sipas tij, mbyllja e një prej mediave më të mëdha në Kosovë do të ishte një goditje serioze për lirinë e medias.
Reagime pati edhe nga opozita.
Kryetari i Partisë Demokratike të Kosovës (PDK), Memli Krasniqi, ka vlerësuar se Qeveria ka humbur rrugën e saj dhe se po shkon drejt tendencave diktatoriale.
Ndërkaq, vendimi mbi Klan Kosovën u cilësua si “i çmendur” nga kreu i AAK-së, Ramush Haradinaj. Ai theksoi se Kosova nuk është “një Korea e Veriut”.
Përmes një deklarate të përbashkët, ambasadorët e shteteve të QUINT-it dhe të zyrës së Bashkimit Evropian kanë shprehur shqetësimin e tyre ndaj vendimit të Ministrisë së Industrisë, Ndërmarrësis dhe Tregtisë që konfirmon pezullimin e licensës së biznesit të Klan Kosovës.
Në deklaratën e tyre theksohet se ky vend do të ketë pasoja në pluralitetin mediatik në Kosovë.
The Embassies of 🇫🇷🇩🇪🇮🇹🇬🇧🇺🇸 & 🇪🇺 express their deep concern about today’s decision by the Ministry of Industry, Entrepreneurship, and Trade confirming the suspension of Klan Kosova’s business license. Read the complete statement: https://t.co/8fbfMc1RBX pic.twitter.com/DVQMAzcx34
— U.S. Embassy Pristina (@USEmbPristina) July 28, 2023