Analisti politik, Visar Ymeri, ka thënë se shumica e komunave të vendit do të shkojnë në balotazh në zgjedhjet lokale që pritet të mbahen më 12 tetor.
Ymeri, në Debat Plus, dha parashikimin e tij për partitë për raundin e parë.
“Aleanca për Ardhmërinë e Kosovës fiton në Deçan, në Gjakovë i ka gjasat e mëdha me fitu pa balotazh, në Suharekë, Rahovec, Klinë besoj se del e para”.
“Lidhja Demokratike e Kosovës fiton në Istog, Pejë, Junik, në Prishtinë del e para dhe fiton me balotazh, në Obiliq, Fushë Kosovë, Lipjan dhe Podujevë del e para”, u shpreh Ymeri.
Tutje Ymeri tha se Vetëvendosje del e para në Shtime, Gjilan dhe Kamenicë.
Ndërkaq sipas tij PDK-ja del e para në Ferizaj, Prizren, Skenderaj, Drenas, Mitrovicë, Vushtrri ndërsa komunat me shumicë serbe sipas tij del e para Lista Serbe.