Reagojnë presidenca dhe Kryeministri në lidhje me sulmin ndaj policëve

Zyra e Presidentës dhe Kryeministri Albin Kurti, kanë reaguar në lidhje me raportimet e Ministrit të Punëve të Brendshme Xhelal Sveçla dhe Drejtorit të Policisë Samedin Mehmeti, për sulmet që kanë ndodhur në drejtim të patrullave të Policisë së Kosovës në veri të vendit.

Përmes një postimi në Twitter, kryeministri ka bërë të ditur se sulmi ka ardhur nga pjesa e kufirit serb.

“Për tri ditë radhazi (13–15 prill) policët e Kosovës janë sulmuar në pikën kufitare me Serbinë. Dje dhe sot në mëngjes, një breshër plumbash dhe një granatë dore u hodhën drejt policisë sonë. Burimet tona e kanë identifikuar sulmin e djeshëm si të ardhur nga Serbia”, ka shkruar kryeministri i Kosovës.

Tutje, kryeministri i Kosovës i ka bërë thirrje shtetit serb që të distancohet nga sulmet që ai i ka cilësuar si terroriste ndaj pjesëtarëve të Policisë së Kosovës.

“Kjo as nuk do të na pengojë dhe as nuk do të na pengojë nga lufta jonë për të mbrojtur shtetin ligjor kundër krimit të organizuar dhe korrupsionit në të gjithë territorin e Republikës sonë. I bëj thirrje Serbisë që të dënojë dhe distancohet nga sulmet e dhunshme terroriste ndaj policisë sonë, disa prej të cilëve ishin serbë të Kosovës”, shtoi Kurti.

Ndërkaq, ka reaguar edhe shef i stafit në kabinetin e presidentes së Kosovës, Vjosa Osmani, Blerim Vela.

Ai ka shkruar se shteti serb bashkë me strukturat siç i ka cilësuar ai kriminale, i kanë kryer këto sulme ndaj policëve kufitar.

Sipas tij, përmes këtyre tentativave po synohet të destabilizohet vendi.

“Ditët e fundit, Serbia dhe strukturat e saj kriminale kanë kryer disa sulme që kishin cak Policinë e Kosovës në veri. Këto veprime të shoqëruara me tentativa dezinformuese synojnë të destabilizojnë situatën e sigurisë dhe politike në Kosovë. Ata do të dështojnë, shteti i së drejtës do të mbizotërojë”, ka shkruar Vela.

Të premten gjatë ditës, është raportuar se gjatë tre ditëve të fundit kanë ndodhur katër sulme drejtuar patrullave kufitare të Policisë së Kosovës.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Osmani: Në Kosovë nënkryetare të Kuvendit e kemi një të...

Presidentja e Kosovës, Vjosa Osmani, ka reaguar pas emërimit të nënkryetarit të Kuvendit të Serbisë, Bozhidar Deliq, për të cilin ka thënë se ka...

Të fundit nga rubrika