Ambasadori i Shteteve të Bashkuara të Amerikës në Kosovë, Jeff Hovenier, ka reaguar pas djegies së veturave me targa RKS në katër komunat veriore të Kosovës, të cilat janë pronë e serbëve lokalë të vendit.
Por Hovener, Qeverinë e Kosovë e ka bërë përgjegjëse për të siguruar rend dhe ligj në katër komunat veriore të Kosovës.
“Qeveria e Kosovës ka përgjegjësi që t’i mbrojë qytetarët e saj dhe të sigurojë llogaridhënie për këto vepra kriminale”, ka thënë Hovenier.
Sipas kryediplomati amerikan, SHBA-ja gjithmonë i ka dënuar akte kriminale siç është djegia e veturave.
“SHBA në vazhdimësi e ka dënuar djegien kriminale të veturave në veri të Kosovës”, ka përfunduar ai.
The U.S. has consistently condemned the criminal burning of vehicles in the north of Kosovo. The Government of Kosovo has a responsibility to protect its citizens and ensure accountability for these criminal acts.
— Ambassador Jeff Hovenier (@USAmbKosovo) April 2, 2023