Lista Serbe ka reaguar pas ndërprerjes së seancës së Kuvendit të Kosovës nga kryetari i Kuvendit, Glauk Konjufca. Deputetët e Listës Serbe u larguan nga salla pas kërkesës së Konjufcës, veprim të cilin Lista Serbe e ka cilësuar si sulm të paprecedentë dhe pengim të përfaqësimit të popullit serb në institucione.

Në reagimin e saj, Lista Serbe e ka dënuar këtë veprim, duke e quajtur një “disfatë për demokracinë dhe sundimin e ligjit”.

Gjithashtu, ajo e konsideron këtë si një shembull të dhunës institucionale dhe presionit ndaj popullit serb në Kosovë.

“Ky sulm i paprovokuar ndaj deputetëve të Listës Serbe”, thuhet ndër të tjera në reagim.

Në reagimin e saj, Lista Serbe ka kërkuar që ndaj këtij rasti të reagojnë ambasadat e vendeve të QUINT-it e Bashkimi Evropian.

“Kërkojmë veprim të menjëhershëm nga komuniteti ndërkombëtar”.