Ministria e Ekonomisë ka njoftuar përmes faqes zyrtare se kostoja e vjedhjes së energjisë elektrike po i kushtojnë Republikës së Kosovës miliona euro në vit.
“Kostot e vjedhjes së energjisë elektrike i kushtojnë Republikës e qytetarëve të Kosovës miliona euro në vit. Humbjet Komerciale apo vjedhjet e energjisë elektrike vetëm për vitin 2021, arrijnë shifra aq të larta sa dy blloqet e Termocentralit “Kosova B” duhet të punojnë 31 ditë për t’i mbuluar ato”.
Sipas ME-së vetëm gjatë javës së kaluar, në të gjitha distriktet dhe nëndistriktet, janë kryer 1 mijë e 963 kontrolle të konsumatorëve të energjisë elektrike, për të cilët, dyshohej se po keqpërdornin rrymën.
Nga 1963 të konsumatorëve, 187 prej tyre, janë vërtetuar se po e anashkalonin matjen e saktë të energjisë elektrike.
Tutje tha se këto vjedhje të energjisë elektrike, jo vetëm që janë vepra penale, por janë një kosto e papërballueshme për qytetarët e vendit të cilët i paguajnë këto kosto në fatura.
“Ministria e Ekonomisë është në komunikim të vazhdueshëm me institucionet përgjegjëse të furnizimit të cilët janë duke organizuar aksione të vazhdueshme me institucionet e rendit për t’i ndalur vjedhjet e energjisë elektrike”.
“Veçanërisht në kohë krize, është kritike që të jemi të ndërgjegjshëm ndaj njëri-tjetrit e ndaj vendit tonë për të lehtësuar përballjen me pasojat negative” thuhet ndër të tjera në njoftimin zyrtar të ME-së. Ta mbrojmë vendin e njëri-tjetrin”, thuhet ndër të tjera në reagimin e ME-së.
