Politikania serbe, Rada Trajkoviq i ka reaguar të dërguarit të posaçëm të Bashkimit Evropian për dialogun në mes të Kosovës dhe Serbisë, Miroslav Lajçakut, pasi ky i fundit është takuar me përfaqësuesit e Listës Serbe. Ajo e ka pyetur se a është takuar me kriminelin, Milan Radoiçiq, i cili është edhe në Listën e zezë të disa shteteve perëndimore siç është Britania e Bashkuar.
Sipas Trajkoviq-it, Radoiçiq është vendimmarrësi kryesor i Listës Serbe.
“Zoti Miroslav Lajcak, a jeni takuar edhe me zëvendëspresidentin dhe vendimmarrësin kryesor të Listës Serbe, Milan Radoiçiq?”, ka shkruar ajo në rrjetin e saj social Twitter.
Ndërsa, ky më poshtë kishte qenë postimi i të dërguarit të Bashkimit Evropian për dialogun ndërmjet Kosovës dhe Serbisë, Lajçakut.
Mr Lajcak @MiroslavLajcak, have you also met with Srpska Lista’s vice president and key decision-maker, Milan Radoičić? https://t.co/J8J3l4OhyF
— Rada Trajkovic (@trajkovic_rada) March 11, 2023
“Kam biseduar edhe me përfaqësuesit e Listës Serbe për t’i informuar për Dialogun dhe për të dëgjuar pikëpamjet dhe vlerësimet e tyre për zhvillimet në veri të Kosovës”, kishte shkruar Lajçak.