Ish-e mbijetuar e dhunës seksuale dhe ish-deputetja e Kuvendit të Kosovës, Vasfije Krasniqi, ka reaguar duke e mbështetur protestën e thirrur nga Iniciativa “Lira ka emër” duke thënë se çlirimtarët e Kosovës janë të vetmit që po ballafaqohen me drejtësinë ndërsa përdhunuesit e 20 mijë grave kosovarë ende janë të lirë.
“Drejtësia – kaq shumë e kërkuar nga unë dhe mbi 20 mijë gra tjera në Kosovë, viktima të dhunës seksuale, nuk erdhi asnjëherë. Kriminelët serbë, shkaktarë të këtyre dhunimeve, akoma enden të lirë nëpër Serbi”.
“Fatkeqësisht, sot, të vetmit të cilët po ballafaqohen me një proces gjyqësor janë çlirimtarët tanë, ish-krerët e UÇK-së”, ka thënë ajo.
“Ju ftoj që me 2 prill, në sheshin “Zahir Pajaziti” në Prishtinë, të bashkoheni e të marshoni. Me zemër jam me ju”, ka përfunduar ajo.
Më poshtë mund ta lexoni postimin e plotë të, Vasfije Krasniqit.