Real Madridi ka marrë një fitore të rëndësishme sonte në “Santiago Bernabeu”, duke mposhtur Juventusin me rezultat 1:0.
Golin e vetëm të ndeshjes e shënoi Jude Bellingham në minutën e 57-të, pas një aksioni të shkëlqyer në zonën e bardhezinjve.
Skuadra e Xabi Alonso dominoi gjatë gjithë takimit, duke kontrolluar posedimin dhe duke krijuar disa raste të pastra për gol, por pa mundur t’i konkretizojnë.
Në anën tjetër, “Zonja e Vjetër” nuk arriti të tregojë shumë në sulm dhe mbeti nën presionin e vazhdueshëm të madrilenëve.
Edon Zhegrova, i cili ishte pjesë e bankinës së Juventusit për këtë ndeshje, nuk u aktivizua dhe qëndroi rezervë gjatë gjithë takimit.
Me këtë fitore, Real Madridi forcon pozitën e tij në grup dhe konfirmon formën e mirë, ndërsa Juventusi do të kërkojë rikthimin në ndeshjet e ardhshme.