Real Madridi është ndalur në një barazim 1:1 ndaj Gironës në ndeshjen e radhës të La Ligës, duke humbur mundësinë për t’u kthyer në krye të tabelës.
Girona befasoi në fund të pjesës së parë, kur Azzedine Ounahi shënoi golin në minutën e 45-të.
Në pjesën e dytë, Reali shtoi presionin dhe arriti të barazojë në minutën e 67-të me Kylian Mbappe, i cili realizoi saktë nga pika e penalltisë.
Los Blancos tentuan përmbysjen gjatë gjithë kohës, por Girona mbajti ritmin dhe rezistoi deri në fund.
Ky është barazimi i tretë radhazi për Real Madridin, që edhe këtë herë dështon të rikthehet në krye të tabelës.
Madrilenët mbesin në vendin e dytë me 44 pikë, por forma e tyre — me vetëm një fitore në pesë ndeshjet e fundit në të gjitha garat — është mjaft shqetësuese.