Seria mbresëlënëse prej 11 fitoresh radhazi e Barcelonës në La Liga ka marrë fund.

Skuadra e Hansi Flick u mposht me rezultat 2-1 nga Real Sociedad në një ndeshje spektakolare të zhvilluar në “Anoeta”.

Vendasit kaluan në epërsi me golin e Mikel Oyarzabal, ndërsa Barcelona reagoi në pjesën e dytë duke barazuar shifrat me Marcus Rashford.

Megjithatë, gëzimi i katalanasve zgjati pak, pasi Gonçalo Guedes realizoi menjëherë golin e fitores për Sociedadin.

Pavarësisht humbjes, Barcelona mbetet në krye të La Ligës, por epërsia ndaj Real Madridit është ngushtuar në vetëm një pikë, duke e bërë garën për titull edhe më të tensionuar.

Nga ana tjetër, kjo fitore e rëndësishme e ngjit Real Sociedadin në vendin e tetë në tabelë.