Real Madrid realizoi një nga fitoret më të mëdha të sezonit ndaj Manchester Cityt, duke mposhtur kampionët anglezë 3:0 në “Santiago Bernabeu”.
Heroi i ndeshjes ishte Federico Valverde, i cili shënoi të tre golat për madrilenët, duke kompletuar hat-trickun e tij dhe duke i dhënë avantazh të madh skuadrës së tij për ndeshjen e kthimit.
Madrilenët shkojnë në ndeshjen e kthimit me një epërsi të trefishtë, pavarësisht se kishin shtatë mungesa, disa prej tyre shumë të rëndësishme, dhe kjo përbën një meritë të madhe për trajnerin Álvaro Arbeloa dhe lojtarët e tij.
Vinicius Junior pati mundësinë të shënonte edhe golin e katërt nga pika e penalltisë, por portieri i Cityt, Gianluigi Donnarumma, e ndali goditjen dhe shpëtoi ekipin e tij nga një humbje edhe më e thellë.
Me këtë avantazh, Real Madrid do të udhëtojë për në “Etihad Stadium” javën e ardhshme për ndeshjen e kthimit, dhe fituesi i këtij çifti ka shumë gjasa të përballet me Bayern Munich në çerekfinale të UEFA Champions League.