FIA ka vendosur që Red Bull ka tejkaluar kufirin e buxhetit për sezonin 2021.
Organi drejtues i Formula 1 ka përfunduar vlerësimet e tij, për të gjitha paraqitjet buxhetore të skuadrave për sezonin e kaluar, ku zbuloi, siç u pretendua në Çmimin e Madh të Singaporit, se Red Bull kishte kryer atë që FIA e quajti një “shkelje të vogël” të 145 dollarëve të përcaktuara nga çmimi tavan (127 milionë £).
Një dënim për garën e Red Bull nuk është zbuluar. Një shkelje e vogël është një mbishpenzim prej më pak se 5 për qind. FIA nuk zbuloi shifrën e saktë në lidhje me shkeljen, megjithëse kuptohet se arrin në më pak se 2.2 milionë dollarë. Çdo gjë mbi 5 për qind, do të konsiderohej një shkelje materiale (5 për qind barazohet me një shpenzim prej 7.25 milionë dollarë).
Kjo sjell dënime potencialisht më serioze, duke përfshirë zbritjen e pikëve ose përjashtimin e një skuadre nga kampionati botëror F1, gjë që mund të kishte ndryshuar rezultatin e garës për titullin e vitit 2021, e fituar ngushtë nga Max Verstappen i Red Bull ndaj Lewis Hamilton të Mercedesit.
Federata e Sporteve tha se “Administrata e FIA-së ka lëshuar certifikata të pajtueshmërisë për shtatë nga 10 konkurrentët”, transmeton “The Guardian“.
“Rishikimi i dokumentacionit raportues të dorëzuar ka qenë një proces intensiv dhe i plotë dhe të gjithë konkurrentët kanë dhënë mbështetjen e tyre të plotë në dhënien e informacionit të kërkuar për të vlerësuar gjendjen e tyre financiare gjatë këtij viti të parë të rregulloreve financiare.
Krahas kësaj, FIA do të vinte në dukje gjithashtu se në lidhje me këtë vit të parë të zbatimit të rregulloreve financiare, ndërhyrja e administratës së kufirit të kostos së FIA-s është kufizuar në shqyrtimin e parashtresave të bëra nga konkurrentët, dhe se nuk janë nisur hetime të plota formale.
“Administrata e kufirit të kostos së FIA-s aktualisht po përcakton kursin e duhur të veprimit që do të ndërmerret sipas rregulloreve financiare në lidhje me Aston Martin dhe Red Bull dhe informacione të mëtejshme do të komunikohen në përputhje me rregulloret.”
Mercedes dhe Ferrari nuk ka gjasa të jenë të kënaqur me rezultatin e hetimit. Ata kanë qenë të zëshëm duke theksuar se një mbishpenzim prej disa milionësh, mund të ketë një efekt të madh material në performancën e një makine dhe në zhvillimin e shpejtë që mund të marrë në vitin e ardhshëm.