Regjistrimi i popullsisë, Kurti: Ky proces është vlerësuar me nota të larta nga ekipet ndërkombëtare

Kryeministri i vendit, Albin Kurti, ka thënë se procesi i regjistrimit të popullsisë është vlerësuar me nota të larta nga ekipet monitoruese të organizatave ndërkombëtare partnere, derisa është shprehur se vlerësimet fillestare tregojnë që përqindja e pjesëmarrjes së popullsisë është ndër më të lartat edhe në nivel ndërkombëtar

Kryeministri i Kosovës, Albin Kurti

Kryeministri i Kosovës, Albin Kurti, ka thënë se për 50 ditë me rradhë, rreth dy mijë e 600 regjistrues në 38 komuna të vendit, kanë mbledhur të dhëna të rëndësishme për politikat dhe strategjitë për dhjetë vitet e ardhshme.

“Nga aspekti profesional e teknik, procesi i Regjistrimit të Popullsisë, Ekonomive Familjare dhe Banesave është vlerësuar me nota të larta nga ekipet monitoruese të organizatave ndërkombëtare partnere, UNFPA dhe UNECE”, ka thënë Kurti.

Kurti ka thënë se ndërkohë vlerësimet fillestare, sipas tij, tregojnë që përqindja e pjesëmarrjes së popullsisë dhe gjithëpërfshirja, është ndër më të lartat edhe në nivel ndërkombëtar.

Kreu i ekzekutivit kosovar është shprehur se shteti ynë ka kaluar “një test të rëndësishëm”.

“Shteti i Kosovës dhe qytetari i Republikës e kanë kaluar një test të rëndësishëm në organizimin dhe pjesëmarrjen në një ndër ndërmarrjet më të mëdha institucionale, që u përmbyll sot”, ka thënë tutje kryeministri.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika