Regjistruan veturat me targa të Kosovës, dy serbëve u digjen vetura dhe depoja

Ministri Sveçla ka publikuar fotografitë e veturës së djegur të oficerit serb të Republikës së Kosovës, i cili të njëjtës i'a kishte ndërruar targat. Përgjatë orëve të hershme të mëngjesit, një qytetari serb i ishte djegur depoja për të njëjtën arsye

Vetura e djegur e oficerit serb





Ministri i Punëve të Brendshme, Xhelal Sveçla ka njoftuar se një oficer serb i Policisë së Kosovës është sulmuar nga strukturat ilegale. Të njëjtat, i kanë djegur veturën pasi oficeri në fjalë e kishte regjistruar me targa legale të Republikës së Kosovës.

Përmes një postimi në Facebook, Sveçla ka thënë se ky nuk ishte rasti i vetëm përgjatë ditës së sotme.

“Njëjtë, sot në orët e hershme të mëngjesit është djegur depo e qytetarit serb në fshatin Grabovc të Komunës së Zveçanit pasi e kishte regjistruar veturën e djalit të tij. Të dyja rastet janë ftesë e hapur për të luftuar institucionet e Republikës së Kosovës”, ka shkruar Sveçla.

Krahas kësaj, Ministri Sveçla i ka bërë thirrje Vuçiç që të ndalojë së mbështeturi strukturat ilegale kriminale me aktet e tyre të dhunshme dhe terroriste ndaj qytetarëve besnikë të Republikës së Kosovës.

“Tendencat për të ndjellur frikë vazhdojnë. Sot një tjetër oficer serb i Policisë së Kosovës është sulmuar nga strukturat ilegale, të cilat dogjën veturën e tij me targa legale RKS. Kjo është një thirrje e hapur për t’u luftuar institucionet e Republikës së Kosovës. I kërkojmë Vuçiqit të ndalojë së përkrahuri veprimet e dhunshme dhe terroriste ndaj qytetarëve besnikë të Republikës së Kosovës”, thuhet tutje në postimin e Sveçlës, në Twitter.

Ndër të tjera, ai ka theksuar se të gjtha institucionet e vendit mbeten të angazhuara në zbardhjen e rasteve të lartëcekura.

“Jemi më të vendosur se kurrë që rendi dhe ligji të shtrihet në çdo cep të Republikës së Kosovës. Kurrfarë veprimi kriminal i fallangave të Vuçiç nuk do të tolerohet dhe do të luftohet me të gjitha mjetet ligjore dhe demokratike”.

Me datën një shtator, ashtu siç është paraparë, ka filluar zbatimi i marrëveshjes për lëvizje të lirë ndërmjet Kosovë dhe Serbisë.

Fillon zbatimi i marrëveshjes për lëvizje të lirë në mes të Kosovës dhe Serbisë





Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika