Zgjedhjet parlamentare të 28 dhjetorit kanë regjistruar një pjesëmarrje historike brenda Kosovës. Sipas të dhënave të përpunuara nga mbi 99.34% e vendvotimeve, 898,258 qytetarë kanë shfrytëzuar të drejtën e tyre të votës, që përbën 44.93% të votuesve të regjistruar.

Ky rezultat shënon një rekord të ri, duke tejkaluar daljen e mëparshme të qytetarëve më 9 shkurt, kur kishin votuar 871,662 qytetarë.

Duke përfshirë edhe votat e diasporës dhe ato në përfaqësi, numri total kishte arritur në 966 mijë vota.

Zgjedhjet këtë herë përkonin me periudhën e pushimeve dimërore, dhe qindra mijëra qytetarë nga mërgata janë kthyer në Kosovë, duke kontribuar në një pjesëmarrje të lartë.

Deri në orën 19:00, mbi 869 mijë votues ose 43,47%