Renovimi i Palestrës Sportive drejt përfundimit, Rama e falënderon Ministrinë e Kulturës për investimin

Ministri i Kulturës, Hajrulla Çeku ka njoftuar se është në përfundim renovimi i Palestrës Sportive në Pallatin e Rinisë teksa kryetari i Prishtinës, Përparim Rama e ka falënderuar për një investim të tillë në infrastrukturën sportive

Ministri i Kulturës, Rinisë dhe Sportit, Hajrulla Çeku, ka bërë të ditur se është në përfundim renovimi i Palestrës Sportive në Pallatin e Rinisë.

Sipas tij, ky investim do t’i kushtojë 200 mijë euro Qeverisë së Kosovës.

“Me dysheme profesionale, kosha dhe karrige me standarde të FIBAs, po sigurojmë qëndrueshmëri infrastrukturore për komunitetin sportiv, për garat e Lojërave Mesdhetare 2030, si dhe klubet të cilat kishin nevojë të kahmotshme për këtë renovim”, ka shkruar Çeku.

Ai bëri të ditur se punimet do të fillojnë edhe në palestrën e djegur në Pallatin e Rinisë dhe Sporteve në Prishtinë.

Për këtë ka reaguar edhe kryetari i Prishtinës, Përparim Rama, duke thënë se “Një palestër që i ka dhënë shumë emocione qytetarëve të kryeqytetit shpejt do të jetë e gatshme për sportistët tanë”.

Ai e ka falënderuar Ministrinë për këtë investim të tillë.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika