Reshjet e dendura të shiut rritin nivelin e ujit në Kroaci dhe Bosnjë e Hercegovinë

Në Kroaci e Bosnjë dhe Hercegovinë, është raportuar për reshje të mëdha të shiut të cilat kanë rritur nivelin e ujit





Reshjet e dendura të shiut kanë rritur nivelin e ujit në Kroaci dhe Bosnjë e Hercegovinë.

Situatë më e rëndë raportohet të jetë në qarkun Sisak-Moslavina dhe në Hrvatska Kostajnica, shkruan N1.

Siç shkruan ky medium, në 24 orët e fundit niveli i ujit është rritur në më shumë se dy metra dhe nëse vazhdon me këtë ritëm, rrezikohen banesat.

Në terren janë ushtria, zjarrfikësit, pjesëtarët e Mbrojtjes civile, Kryqi i Kuq.

Drejtori i Mbrojtjes Civile, Damir Trut, ka thënë se situata është nën kontroll dhe se janë kryer veprime përgatitore për mbrojtjen e popullsisë dhe objekteve.

“Kemi rreth 10 objekte që janë në kontakt me ujin, në katër prej tyre ka hyrë uji, por dëmet nuk janë shumë të mëdha”, ka thënë ai.

Ai ka thënë se në terren në Kostajnicë aktualisht janë 120 zjarrfikës, 50 ushtarë, 20 pjesëtarë të Kryqit të Kuq, 7 pjesëtarë të HGSS, 20 pjesëtarë të Njësitit për Intervenim Shtetëror, me të gjitha pajisjet që u nevojiten.

Ndërsa, kryetari i komunës së Hrvatska Kostajnicës, Dalibor Biscan, ka komentuar pretendimet e njerëzve se ndihma po iu ofrohet ngadalë..

“Unë nuk do të hyja në asnjë informacion të pasaktë. Gjysmë ore më parë, një familje jo shumë larg nga këtu është nxjerrë nga një automjet që ndodhej në ujë. Përhapja e dezinformatave e bën të vështirë për të gjithë këta njerëz që u erdhën në ndihmë më të cenuarve”, ka thënë ai.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika