Gjatë të premtes dhe së shtunës reshjet e dendura të shiut kanë  rënduar gjendjen e shtretërve të lumenjve dhe qarkullimin në komunikacion në Podujevë.

Kështu ka bërë të ditur kryetari i kësaj komune, Shpejtim Bulliqi, ku nëpërmjet një postimi në Facebook njoftoi se ka përcjellë gjendjen nga afër në fshatrat Batllavë, Gerdoc, Bellopojë, Lluga dhe Siboc.

“Situata është e menaxhueshme, ndërsa si institucione lokale i kemi bërë të gjitha përgatitjet e nevojshme në rast të përkeqësimit të situatës nga reshjet e shiut ditëve në vijim”, ka shkruar Bulliqi.