Rezistencë në Vranjevc, Policia plagos një person

Një zyrtar policor ka plagosur një të dyshuar në lagjen Vranjevc të Prishtinës. I dyshuari ka pësuar plagë dhe është dërguar në QKUK për trajtim mjekësor. Shkas i plagosjes u bë bastisja në shtëpinë e të dyshuarit dhe rezistenca ndaj Policisë

Pamje nga vendi i ngjarjes

Në orët e para të mëngjesit në këtë shtëpi në Vranjevc të Prishtinës kanë zbarkuar forca të shumta policore.

E shkak i kësaj bastisje ishte gjuajtja me armë që 66 vjeçari kishte bërë një ditë më parë.

I njëjti gjuajti me armë edhe kur e kuptoi se në shtëpinë e tij kishin ardhur forcat e rendit.

Mirëpo, rezistenca e tij nuk gjeti mirëkuptimin e policisë.

Uniformat blu, gjuajtën në drejtim të 66 vjeçarit i cili mbeti i plagosur.

Ndërkohë, thuajse gjatë gjithë ditës shiriti i verdhë policor qëndroi përreth oborrit të shtëpisë së prishtinasit.

Edhe veturat e policisë e pjesëtarët e saj po kontrollonin çdo cep të shtëpisë.

Sipas njoftimit zyrtarë të Policisë këtu u gjet një arsenal armësh.

I dyshuari nuk ka gjendje të mirë shëndetësore.

Nga gjuajtjet e policisë, ai ka marrë lëndime të rënda për çka i është dashur të bëjë një intervenim.

No photo description available.

“Rreth orës 09:00 të mëngjesit kemi pranuar një pacient në gjendje të rëndë shëndetësore. Gjendja e tij ka qenë shumë e rëndë dhe është futur në sallën operative dhe vazhdon ende. Është plagë hyrëse në pjesën torakale. Ende është në sallë dhe duke e përfunduar operacionin”, ka thënë Dafina Basholli nga QKUK.

Rruga e shtëpisë së të plagosurit vazhdon të jetë e mbikëqyrur nga Policia e Kosovës.

Shija e redaktorit

Granit Xhaka shpallet lojtari më i mirë i ndeshjes Hungari-Zvicër

Zvicra e ka nisur jashtëzakonisht mirë Kampionatin Evropian që po mbahet në Gjermani. “Helvetikët” triumfuan 1:3 ndaj Hungarisë në ndeshjen e cila u zhvillua në...

Fillon ndeshja mes Spanjës dhe Kroacisë

Ka filluar ndeshja e parë e Grupit B mes kombtarës së Spanjës dhe  asaj të Kroacisë. Në këtë grup bëjnë pjesë edhe Shqipëria e Italia,...

Spanjë – Kroaci, formacionet zyrtare: De La Fuente dhe Dalic...

Kombëtarja e Spanjës dhe ajo e Kroacisë kanë publikuar tashmë formacionet zyrtare për ndeshjen e parë në Euro 2024. “La Roja” do të përballen me...

Të fundit nga rubrika