Në Turqi është mbajtur raundi i dytë i zgjedhjeve presidenciale, që përfaqëson një sprovë të fortë për udhëheqjen prej afro dy dekadash të presidentit Recep Tayyip Erdogan.
Në këtë garë, Erdogan sipas rezultateve preliminare duket se ka një epërsi në balotazhin e zgjedhjeve presidenciale turke.
Aktualisht, Erdogan ka arritur të sigurojë 54.03 për qind të votave duke e lënë pas kundërshtarin e tij, Kemal Kiliçdaroglu, i cili deri më tani ka 45.97 për qind të votave.
Rezultati zyrtar i zgjedhjeve do të publikohet nga Këshilli i Lartë Zgjedhor i Turqisë.
Deri më tani janë hapur 73.20 për qind të kutive.
Pjesëmarrja në votime ishte 85.07 për qind.
Në Turqi është votuar të dielën për një parlament dhe president të ri.
Erdogan doli i pari në rundin e parë dy javë më parë, duke fituar 49.5 për qind të votave, kurse kundërshtari i tij Kiliçdaroglu mori 44.9 për qind.