Këngëtarja me preardhje nga Kosova, e me renome ndërkombëtare, Rita Ora ka uruar Kosovën në Ditën e Pavarësisë.

Në 15-vjetorin e Pavarësisë, Ora ka uruar Kosovën nëpërmjet një video-mesazhi.

Video-mesazhin e ka nisur me një pjesë të këngës “Shine your light” të cilët e pati incizuar në Kosovë.

Rita Ora

Përmes një postimi në llogarinë e saj të Instagram-it, ku ajo numëron jo më pak se 16 milionë ndjekës, Ora ka shkruar  “Urime Ditën e Pavarësisë”, teksa e ka shpërndarë një video të performancës në Prishtinë, shoqëruar me ritmet e muzikës tradicionale shqiptare.

Rita Ora përndryshe ka qenë e para këngëtare shqiptare nga Kosova e cila ka depërtuar në tregun e huaj të muzikës.

Ajo gjithashtu mbetet shqiptarja e vetme me renome botërore që i ka dedikuar këngë vendit të saj në vitin 2012, të titulluar “Shine Ya Light”.

Rita Ora në xhirimet e klipit “Shine Ya Light” në Prishtinë, në vitin 2012

Ora ishte e ftuar speciale në kremtimin e 10-vjetorit të Pavarësisë së Kosovës pesë vjet më parë, në një koncert gjigant dhe të paharruar që mbajti para popullit shqiptar në Prishtinë.

Rita Ora në dhjetë vjetorin e Pavarësisë së Kosovës

Që nga viti 2015, me dekret të presidentes së atëhershme të vendit, Atifete Jahjaga, Rita Ora është shpallur ambasadore nderi e shtetit të Kosovës.