Qeveria në detyrë nuk është kundër gazit amerikan, porse ka zgjedhur zgjidhjen më të lirë për qytetarët, ka thënë ministrja në detyrë e Ekonomisë, Artane Rizvanolli.
Ajo përmes një videoje në Facebook ka thënë se është e pavërtetë që Kosova ka zgjedhur importin e gazit nga shtetet e rajonit para prodhimit vendor të energjisë elektrike apo para gazit amerikan.
“Përkundrazi, kemi zgjedhur thëngjillin, e burimet e ripërtëritshme të energjisë si era dhe dielli, kogjenerimin për ngrohje qendrore dhe efiçiencën e energjisë. Ky kombinim mbështetet në burime vendore dhe është më i liri për qytetarët e bizneset tona. E dyta, nuk është e vërtetë që Qeveria e Kosovës është ‘kundër’ gazit të lëngëzuar nga ShBA-ja (LNG), siç thuhet”, ka thënë ajo.