Robin Krasniqi ka konfirmuar planin e tij për t’u rikthyer në ring në një ndeshje të ardhshme që pritet të mbahet më 4 maj të këtij viti. Pritja për të zbuluar kundërshtarin e Krasniqit ka nisur, pasi ai paralajmëroi fansat dhe ndjekësit e tij se do t’i japë njoftimin përballë kujt do të luftojë në një datë të mëvonshme.
Robin Krasniqi kështu ka bërë të ditur me anë të një postimi në llogarinë zyrtare të tij në Instagram në gjuhë gjermane.
Ai pritet të boksojë në Augsburg të Gjermanisë, teksa shtoi se ende nuk dihet kundërshtari i tij.
Detaje të tjera pritet të jepen së shpejti.
“Të dashur fansa dhe miq, beteja ime e radhës do të zhvillohet më 4 maj në Augsburg. Mezi pres të boksoj në prag timin dhe të pres mbështetje nga ju. Së shpejti do të shpallet edhe kundërshtari”, ka shkruar boksieri nga Kosova.
Krasniqi deri më tani ka 60 ndeshje të zhvilluara, ku 53 prej tyre i ka fituar dhe 7 i ka humbur.
20 nga to i ka fituar me nokaut. Ndërkaq, me nokaut e ka të humbur vetëm një meç.
View this post on Instagram