Ambasadori gjerman në Kosovë, Jorn Rohde, ka theksuar përkushtimin e Gjermanisë për mbështetje të vazhdueshme ndaj KFOR-it.

Rohde ka shtuar se ky përkushtim riafirmohet me rritjen e fundit të kontingjentit gjerman në rajon, teksa ka uruar gjithashtu komandantin e ri të misionit, gjeneralmajorin italian Enrico Barduani, i cili ka marrë zyrtarisht detyrën e tij si komandant i KFOR-it.

Ambasadori shprehu besimin se rritja e kontingjentit gjerman do të kontribuojë në forcimin e stabilitetit dhe sigurisë në Kosovë, duke mbështetur angazhimin e KFOR-it për të ruajtur paqen dhe sigurinë në rajon.

“Gjermania mbetet e përkushtuar për të mbështetur KFOR-in dhe zbatimin e misionit të tij, siç riafirmohet nga rritja jonë e fundit e ndjeshme me kontingjent”, ka shkruar Rohde në X.

Grateful to MajGen Ulutaş for his outstanding service as COMKFOR and a warm welcome to his successor, MajGen Barduani.
🇩🇪 remains dedicated to supporting @NATO_KFOR and the implementation of its mission, as reaffirmed by our recent significant increase in the 🇩🇪 contingent. https://t.co/6KDGrdMdqT

— Ambassador Jörn Rohde (@GermanAmbKOS) October 11, 2024