Ambasadori i Gjermanisë në Kosovë, Jorn Rohde, ka thënë se Kosova duhet të bëjë akoma përpjekje për zbatimin e marrëveshjeve me Serbinë.
Sipas tij, është e rëndësishme “që të arrihet një momentum në bisedimet me Serbinë”.
“Gjermania i ka ofruar asistencë të madhe shtetit të Kosovës në arritjen e reformave. Kosova ka mbetur e përkushtuar në dialogun e lehtësuar nga BE-ja, por duhet akoma përpjekje për zbatimin e marrëveshjeve të arritura… Raporti për Kosovën duhet të shihet që të na kujtojë të gjithëve se cilat reforma duhet të bëhen që Kosova të avancojë në qëllimin e saj që të bëhet anëtare e BE-së. Reformat nuk duhet bërë vetëm nga Qeveria, por edhe nga Kuvendi”, ka thënë Rohde në Komisionin e për Integrim Evropian.
Rohde është shprehur i zhgënjyer me mosbashkëpunimin e disa partive politike opozitare në Kosovë dhe mosvotimin e marrëveshjeve ndërkombëtare.
“Sot që jemi këtu dua të shpreh zhgënjimin për mungesën e bashkëpunimit me partitë politike dhe mosvotimin e marrëveshjeve ndërkombëtarëve, ku dot ë jepeshin mbi 400 milionë euro. Raporti për Kosovën duhet të Përdoret që të na kuptojmë të gjithëve se cilat reforma duhet të bëhen në mënyrë që Kosova të jetë pjesë anëtare e BE-së”, ka shtuar Rohde.