Rohde lavdëron Kosovën për ndihmën ushtarake ndaj Ukrainës

Ambasadori gjerman Jorn Rohde e ka quajtur të lavdërueshme veprimin e Kosovës për ndihmën e saj ndaj Ukrainës pavarësisht se Ukraina ende nuk e njeh atë si shtet

Ambasadori i Gjermanisë në Kosovë, Jörn Rohde

Kosova do të vazhdojë të mbështesë Ukrainën në luftën e saj kundër agresionit rus, me anë të ndihmës ushtarake.

E lidhur me njoftimin e ministrisë së mbrojtjes reagoi ambasadori gjerman në Kosovë, Jorn Rohde.

Rohde e ka quajtur të lavdërueshme veprimin e Kosovës, pavarësisht se Ukraina ende nuk e njeh atë si shtet.

“Edhe pse Ukraina nuk e njeh ende Kosovën , qeveria kosovare po e ndihmon Ukrainën në luftën kundër pushtimit rus duke i mbështetur me pajisje ushtarake. Shumë e lavdërueshme, kryetar!”, shkroi Rohde.

 

Ndryshe, Ministri i Mbrojtjes, Ejup Maqedonci, në takimin e Grupit të Kontaktit për Mbrojtjen e Ukrainës ka njoftuar për paketën e parë të mbështetjes ushtarake që do të dërgohet në Ukrainë gjatë javës së ardhshme, e cila përbëhet nga dhjetëra kamionë taktikë, automjete taktike dhe autoblinda ushtarake.

“Për më tepër, në fjalën time njoftova për koordinimin dhe përgatitjen e pakos së dytë mbështetëse ushtarake që përbëhet nga mijëra predha të mortajave që do të dërgohet së shpejti në Ukrainë me qëllim mbështetjen e njësive ushtarake të Ukrainës për rritjen e fuqisë së zjarrit indirekt”, ka njoftuar ministri.

Shija e redaktorit

Nora Gjakova fiton medaljen e bronztë në Paris

Nora Gjakova e ka fituar medaljen e argjendtë në Grand Slamin e Parisit, që është e treta nga Franca për Kosovën. Gjakova e fitoi duelin...

Distria e fiton medaljen e bronzt në Grand Slamin e...

Distria Krasniqi ka fituar medaljen e bronztë në Grand Slamin e xhudos që po mbahet në Paris. Xhudistja kosovare fitoi me waz-ari ndaj xhudistet nga...

Shkruan Romeo Çollaku, përkthyesi i romanit “Lugina e lumit Issa”...

Përkthyesi i librit, Romeo Çollaku, ndan me lexuesit historinë e “Lugina e lumit Issa” shkruar nga autori polak Czesław Miłosz. Nga ROMEO ÇOLLAKU Romani Lugina e lumit...

Të fundit nga rubrika