Ambasadori i Gjermanisë në Kosovë, Jorn Rohde, ka uruar Ditën e Evropës, duke thënë se Bashkimi Evropian është projekt i papërfunduar pa shtetet e Ballkanit Perëndimor.
Teksa ka festuar këtë ditë, e cila u shënua me disa aktivitete në sheshin kryesor të Prishtinës, përmes një videomesazhi ka thënë se shpreson që një ditë Kosova do t’i bashkohet atë që ai e ka quajtur si projektin më të suksesshëm të paqes në botë, Bashkimin Evropian.
“Shpresoj se do të ketë anëtare të reja së shpejti dhe një nga to shpresoj të jetë Kosova një ditë”, ka deklaruar Rohde.
Sipas Rohdes, Gjermania po bën gjithçka për ta mbështetur Kosovën drejt integrimit evropian.
“Gjermania vazhdon të mbështesë Kosovën në rrugën e saj drejt BE-së. Pa vendet e Ballkanit Perëndimor, Bashkimi Evropian nuk është projekt i plotë”, ka shkruar Rohde në rrjetin social “X”.
Happy Europe Day🇪🇺
Germany 🇩🇪 keeps supporting Kosovo 🇽🇰 on its way towards the EU 🇪🇺.
Without the Western Balkan countries, the European project is not complete. pic.twitter.com/hfH2EhnR9T— Ambassador Jörn Rohde (@GermanAmbKOS) May 9, 2024