Rohde: Pajtohem plotësisht me deklaratën e Cholletit që të ecet përpara me Asociacionin

Ambasadori gjerman, Jorn Rohde është pajtuar me deklaratat e këshilltarit të lartë të Departamentit amerikan të Shtetit, Derek Chollet për të ecur përpara me diskutimet për krijimin e Asociacionit të komunave me shumicë serbe

Ambasadori gjerman në Kosovë, Jorn Rohde

Ambasadori i Gjermanisë në Kosovë, Jorn Rohde është pajtuar me deklaratën e këshilltarit të lartë amerikan, Derek Chollet se duhet të ecet tutje në lidhje me diskutimet për Asociacionin e komunave me shumicë serbe në Kosovë.

“Jam plotësisht dakord, është shumë e rëndësishme të çojmë përpara diskutimin për Asociacionin e komunave me shumicë serbe në Kosovë”, ka thënë Rohde.

Ndër të tjera, ai e ka mirëpritur pranimin e ftesës së Ministrit për Komunitete dhe Kthim në Qeverinë e Kosovës, Nenad Rashiq nga Shtetet e Bashkuara të Amerikës për të marrë pjesë në një diskutim të organizuar nga Ambasada amerikane në Prishtinë, më 31 janar, për Asociacionin.

Ndryshe, të martën, Këshilltari i Departamentit amerikan të Shtetit, Derek Chollet ka thënë se ka inkurajuar kryeministrin e Kosovës, Albin Kurti, që të pranojë propozimin e BE-së për normalizimin e marrëdhënieve me Serbinë.

Përmes një postimi në Twitter, ai ka thënë se kishte biseduar me Kurtin për këtë çështje të martën.

“Një temë kyçe ka qenë partneriteti ynë dhe synimi i përbashkët për avancimin e integrimit evropian dhe euroatlantik të Kosovës”, ka shkruar Chollet në Twitter.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika