Ambasadori i Gjermanisë në Kosovë, Jorn Rohde, ka falënderuar ish-ministrin e Mbrojtjes, Armend Mehaj, i cili gjatë kësaj të marte ka dhënë dorëheqje nga kjo pozitë.
Ambasadori Rohde ka thënë se i kanë pëlqyer edhe aktivitetet e tyre të përbashkëta jashtë punës si shëtitja dhe futbolli.
“Faleminderit Armend Mehaj për shërbimin tuaj të përkushtuar ndaj Kosovës dhe mbi 2 vite punë të shkëlqyera të përbashkëta gjatë të cilave u intensifikua bashkëpunimi për sigurinë dhe mbrojtjen. Më pëlqeu gjithashtu aktivitetet tona jashtë punës: shëtitje dhe futboll! Me siguri do të mungojë. Gjithë të mirat për përpjekjet tuaja në të ardhmen”, ka shkruar ambasadori Rohde.
Thanks Armend Mehaj for your dedicated service to 🇽🇰 and over 2 great yrs of joint work during which 🇩🇪🇽🇰 security & defense cooperation intensified. I also enjoyed our extracurricular activities: hiking & football! Will surely miss that. All the best for your future endeavors. pic.twitter.com/oxJ7ytcUvk
— Ambassador Jörn Rohde (@GermanAmbKOS) August 8, 2023
Kryeministri i Kosovës e ka konfirmuar zyrtarisht sot dorëheqjen e Armend Mehajt nga Ministria e Mbrojtjes, duke thënë se Mehaj ka dhënë dorëheqje për shkaqe familjare.
Në vend të tij, sipas Kurtit, është emëruar ish–koloneli Ejup Maqedonci.
Lexo dhe: E konfirmon Kurti, Mehaj jep dorëheqje, në vend të tij emërohet Ejup Maqedonci
“Sot, me kërkesë të ministrit të mbrojtjes, Armend Mehaj, kam pranuar dorëheqjen e tij. Kërkesa për lirim nga detyra vjen për shkaqe familjare. Ministrin Mehaj e falënderova për punën e pandërprerë, kontributin mbresëlënës, bashkëpunimin e rregullt dhe angazhimin e tij shembullor nga dita e parë e marrjes së detyrës”, tha ai.
Armend Mehaj, nëpërmjet një postimi ka treguar arsyet e dorëheqjes së tij nga posti i ministrit të Mbrojtjes së Republikës së Kosovës.
Ai ka thënë se ka dhënë dorëheqje për arsye familjare, teksa ka treguar që kryeministri Kurti e ka falënderuar atë për punën që ka bërë si ministër.
Lexo dhe: Mehaj: Dhashë dorëheqje për arsye familjare, Ejup Maqedonci zgjedhja e duhur për ministër
“Sot, më 08 gusht 2023, në mirëkuptim dhe mirëbesim të plotë, me kërkesën time, Kryeministri Albin Kurti më ka liruar nga detyra e Ministrit të Mbrojtjes të Republikës së Kosovës! Kjo kërkesë prej anës sime, ka ardhur për arsye familjare, për të cilat e kam njoftuar Kryeministrin Kurti, me kohë që më parë”, ka thënë Mehaj.