Ambasadori i Gjermanisë në Kosovë, Jorn Rohde, ka thënë se trashëgimia e shkrimtarit Ismail Kadare do të jetojë përmes tregimeve të tij të përjetshme.
Rohde po merr pjesë në homazhet për Kadarenë, ceremoni që po mbahet në Tiranë.
“Duke nderuar gjigantin letrar Ismail Kadare. Fjalët e tij sollën letërsinë shqipe në botë dhe prekën zemra të panumërta. U prefsh ne paqe. Trashëgimia e tij do të jetojë përmes tregimeve të tij të përjetshme dhe frymëzimit që u dha brezave të shkrimtarëve të rinj!”, ka shkruar Rohde në “X”.
Ndryshe, Kolosi i letrave shqipe, Ismail Kadare ka vdekur të hënën, në moshën 88-vjeçare nga një sulm në zemër.
Për nderim të jetës dhe veprimtarisë artistike të Kadaresë, Kosova ka shpall të mërkurën[sot] ditë zie ndërsa Shqipëria ka dy ditë zie 3 dhe 4 korrik.