Ron DeSantis, guvernatori republikan është tërhequr nga gara presidenciale duke pezulluar fushatën e tij, raporton The New York Times.
DeSantis ka thënë se ka marrë këtë vendim pasi mendon se kandidati tjetër, Donald Trump, është më superior për postin e kreut të Shtëpisë së Bardhë.
“Unë sot po pezulloj fushatën time. Trumpi është superior ndaj presidentit aktual, Joe Biden. Kjo është e qartë. E nënshkrova një premtim për të mbështetur kandidatin republikan dhe do ta respektoj atë premtim. Ai e ka mbështetjen time sepse ne nuk mund të kthehemi te garda e vjetër republikane e dikurshme”, është shprehur DeSantis, njëherit guvernator i Floridës.
Nga ana tjetër, ditë më parë, ish presidenti Donald Trump fitoi bindshëm në zgjedhjet presidenciale në shtetin e Iowas, andaj për DeSantis ky rezultat tregon “se s’ka kuptim të vazhdojë më tutje” garën partiake.