Një ide që deri dje dukej si ëndërr, tani po diskutohet seriozisht. Al Nassr FC po shqyrton mundësinë që Cristiano Ronaldo Jr. të përfshihet në stërvitjet e ekipit të parë duke filluar nga sezoni 2026/2027.
Sipas informacioneve, ende nuk ka asgjë zyrtare, por brenda klubit saudit kanë nisur diskutimet për këtë opsion. Drejtuesit po monitorojnë nga afër zhvillimin e talentit të ri dhe po vlerësojnë nëse ai është gati për një hap kaq të madh.
Natyrisht, nëse kjo ndodh, do të ishte një moment historik për futbollin – mundësia që Cristiano Ronaldo dhe djali i tij të jenë pjesë e të njëjtit ekip, qoftë edhe në stërvitje.
Për momentin mbetet vetëm një ide në fazë diskutimi, por që ka ndezur imagjinatën e tifozëve në mbarë botën.