Një rrahje masive ka ndodhur në orët e para të së shtunës në Vërbovac të Kllokotit.

Kështu bën të ditur raporti 24-orësh i Policisë së Kosovës gjersa thekson se në rast kanë qenë të përfshirë pesë të dyshuar dhe dy zyrtarë policorë jashtë detyrës zyrtare.

E gjithë ngjarja ka zënë vend në një kafiteri ndërsa nën pranga janë vënë tre të dyshuar që dyshohet se ishin nën ndikimin e alkoholit.

Ndërkaq, të tjerët kanë ikur nga vendi i ngjarjes.

Derisa për rastin është njoftuar edhe Inspektorati i Policisë, të tre të dyshuarit janë liruar.

Rasti i cili mbetet nën hetime është cilësuar si “lëndim i lehtë trupor”.